«ҒАШЫҚ-ЖҮРЕК»

«ҒАШЫҚ-ЖҮРЕК»

/поэтикалық-музыкалық қойылым/

Қойылым тобы:

Қоюшы режиссері                    –          Аман Ғұмаров

Музыкамен сүйемелдеуші      –          Театр оркестрі

Музыкасын әрлеген                –           Болат Жолдасов

Хормейстер                                –          Алтынбек Аманқұлов,

Әлихан Ыдырысов

Хореограф                                  –          Елдос Оспанов

Жарық суретшісі                      –          Айдын Досаев

Дыбыс режиссері                      –          Мақсат Есқали

Кейіпкерлер мен орындаушылар:

Қазыбек Есқара                                           –       Мұқағали Мақатаев

Ерназар Жаңатілек, Асқар Жұмабеков      –      Шәміл

Алтынбек Аманқұлов

Саламат Мұқашев

Аман Ғұмаров

Ләйла Темірхан

Замира Сапар

Сұлтан Кеңшілік

Армат Амандықов

Гүлдана Әбдісадық

Игілік Оразалы

Астана қаласы әкімдігінің «Музыкалық жас көрермен театры» барша қазақтың жүрек түкпірінен орын алған қазақ поэзиясының ірі өкілдерінің бірі – Мұқағали Мақатаевтың 90 жылдығына арнап «Ғашық – жүрек» поэтикалық-музыкалық қойылымын сахналайды. Бұл – ұлт перзентіне деген құрмет, қаламгер шығармашылығына деген махаббат.

«Ғашық-жүрек» спектаклі автордың ой-арманынан, жүрек қалауынан, ішкі танымы мен толғанысынан туған түрлі поэзиялары мен өлеңдеріне жазылған, әсерлі әндеріне құрылған сахналық қойылым. Сондай-ақ, махаббат, өмір, сағыныш, ғашықтық ғаламаты мен адал достық, Отан ана мен табиғат ана сынды күрделі тақырыптарға ерекше ықыласпен, іңкәрлікпен қараған тұлғаның көзқарасы іспеттес.

Бұл поэтикалық-музыкалық қойылым жасөспірімдер мен балаларды мәдениетке, руханиятқа шақырып, олардың жүрегіндегі махаббаты мен мейірімін байытып, оқылатын өлеңдердегі тақырыптар мен орындалатын әндердегі оқиғаларды жас көрерменнің көкірегіне тоқып, санасына сіңіреді. Сонымен қатар, балалардың қиял қанаттарын әдеби әлемнің көгінде қалықтатып, жан-дүниесіне көркем өнердің сәулесін түсіріп, олардың табиғатында суреткерлік таным-түсінік пен өнерпаздық көзқарасты қалыптастырады. Қазақ әдебиетінің әйгілі тұлғаларының бірі – Мұқағали Мақатаевтың шығармашылығына деген құштарлығын үдетіп, сүйіспеншілік сезімдерін жандандырады.

Спектакльдің премьерасы 2021 жылдың 9 ақпаны күні өтті.